Дзень Волі 2022 - За нашую і вашую свабоду

У 2022 годзе споўнілася 104 гады зь дня абвяшчэньня незалежнасьці Беларускай Народнай Рэспублікі. Арганізаваныя намі мерапрыемствы праходзілі пад лёзунгам «За нашую і вашую свабоду».

Для нас важна было праявіць салідарнасьць з народам Украіны!

Вольны Хор разам з NaviBand і Зьмітром Вайцюшкевічам выступілі з адмысловай праграмай на сцэне Беластоцкага Тэатру Лялек. У зале прысутнічалі лідэрка дэмакратычных сілаў Беларусі Сьвятлана Ціханоўская, Павал Латушка з НАУ і Вольга Кавалькова з Каардынацыйнай рады, якія перад гэтым сустракаліся на мітынгу зь беларускай дыяспарай і жыхарамі Беластоку.

Людзі, якія не змаглі ў гэты час прысутнічаць у тэатры, мелі магчымасьць далучыцца да мерапрыемства онлайн. Трансьляцыі адбываліся на YT-канале “Вольнага хору” і ў эфіры Беларускага Радыё Рацыя.

• Арганізатар: Фундацыя Tutaka, Вольны Хор, Беларускі Зьвяз у РП, Фундацыя Беларусь 2020, Беларускае Гістарычнае Таварыства, Беларуская Дыяспара Беластоку
• Урачыстасьць адбылася дзякуючы падтрымцы горада Беласток, Амбасады Бэльгіі ў Польшчы і Літве, а таксама Прадстаўніцтву Фляндрыі ў Польшчы і Балтыйскіх краінах
• Мэдыя-партнэры: TV Белсат, Беларускае Радыё Рацыя, Тыднёвік беларусаў у Польшчы “Ніва”
• Партнэр урачыстасьці: Беластоцкі Тэатр Лялек