Фэстываль Абуджаных TUTAKA 2021 стаў нагодай адзначыць і ўзгадаць гадавіну выбуху беларускай грамадзкай рэвалюцыі, падчас якой рукі злачыннага рэжыму неаднаразова былі запэцканы беларускай крывёй. Але з іншага боку, гэта была яшчэ і гадавіна станаўленьня цудоўнай нацыі. У той момант, калі многія з нас наогул сумняваліся ў такой магчымасьці, 2020 год аказаўся нацыятворчым выбухам, які «не спыніць».
Фэстываль TUTAKA - гэта ня толькі музыка. Акрамя музыкаў беларускай рэвалюцыі, мы паказваем беларускую культуру і мастацтва ва ўсёй паўнаце.
Па ўзгадненні з Беларускай Радай Культуры фэстываль стаў «вялікім фіналам/постскрыптумам» «Тыдня беларускай культуры». Фэстываль усіх вольных беларусаў быў выразам нашай салідарнасьці з Братамі і Сёстрамі, якія, знаходзячыся ў Беларусі, па-ранейшаму спадзяюцца на нашу падтрымку і салідарнасьць.
Жыве Беларусь! Жыве вечна і няхай жыве вольна!
У пятніцу і суботу на галоўнай сцэне выступілі:
ISNA TRIO
МАРГАРЫТА ЛЯЎЧУК
VERANIKA KRUHLOVA & VALERIA DELE
SW@DA PROJEKT
ILO&FRIENDS
КРАСНАЯ ЗЕЛЕНЬ
NAVIBAND
ALINA PASH
Фэстываль складаўся ня толькі з выступаў музыкаў, бо прайшлі таксама:
- дыскусіі, у якіх мы размаўлялі з гасьцьмі на розныя тэмы беларускага сьвету
- аўтарскія сустрэчы
- лекцыя пра падляскія зёлкі
- складалі беларускі гараскоп
- размалёўвалі ўласныя цішоткі, рабілі выцінанкі, папяровыя лялькі, майстар-клясы танца - гэта прапановы для наймалодшых.