Фэстываль “Бардаўская восень” 2022

Гэта культавае мерапрыемства, з 27-гадовым стажам. Пасьля двухгадовага перапынку ў 2022 годзе вярнулася ў абноўленым выглядзе. Гэта адзіны фэстываль у Падляскім ваяводзтве, і адначасова найбуйнейшы і найстарэйшы ў сьвеце, які прадстаўляе аўтарскія ды бардаўскія песьні на беларускай мове.

Гэта быў першы фэстываль, арганізаваны фундацыяй Tutaka.

28.10.2022 г.:

Кацярына Ваданосава выступіла з канцэртам для вучняў ІІ Агульнаадукацыйнага Ліцэя зь дадатковым навучаньнем беларускай мовы ў Гайнаўцы.

А ў Бельскім Дому Культуры адбыліся канцэрты: WZ Trio, Купалаўцаў — «Ja havaru», дыскусія вакол постаці Міхала Анемпадыстава і ўручэньне прэміі імя Міхала Анемпадыстава за найлепшы дызайн вокладкі беларускай кнігі.

29.10.2022 г.:

У Беластоцкім Тэатры Лялек адбылася прэм’ера спэктаклю Купалаўцаў — «37-22» у пастаноўцы Андрэя Саўчанкі, пасьля чаго адбылася прэзэнтацыя кнігі Сяргея Будкіна «(Не)расстраляныя» і дыскусія на тэму «Ноч паэтаў» і сучаснай беларускай турэмнай паэзіі.

30 кастрычніка 2022 г.:

У Гмінным Доме Культуры ў Гарадку выступілі: Зьміцер Вайцюшкевіч, Ян Карповіч, адбылася сустрэча з Уладзімерам Арловым.

У той жа дзень, напрыканцы фэстывалю, у беластоцкім клюбе «Zmiana Klimatu» адбыўся канцэрт PALINY і Яўгена Барышнікава.

Гэта было прыгожае сьвята беларускай паэзіі!

Арганізатар: Фундацыя TUTAKA
Стваральнік і шматгадовы арганізатар: Цэнтр Адукацыі і Прамоцыі Беларускай Культуры ў Шчытах
Партнэры: Бельскі Дом Культуры, Беластоцкі Тэатр Лялек, Гмінны Цэнтр Культуры ў Гарадку, Infinity Group, PEN Беларусь
Заданьне суфінансаванае са сродкаў Міністэрства Унутраных Спраў і Адміністрацыі
Публічнае заданьне суфінансаванае са сродкаў Падляскага ваяводзтва
Заданьне суфінансаванае са сродкаў бюджэту горада Беласток
Фэстываль суфінансаваны са сродкаў Амбасады Каралеўства Нідэрляндаў у Варшаве
Мэдыя-партнэры: Polskie Radio Białystok, TV Белсат, Беларускае Радыё Рацыя, TVP3 Białystok, Radio Akadera, Gazeta Wyborcza, Gazeta Współczesna, Kurier Poranny

28.10.2022 г. Бельскі Дом Культуры