14 і 15 ліпеня 2023 - ГАРАДOК, Польшча
Шмат хто з нас ужо не жыве ў Беларусі, большасьць надалей у Беларусі жывуць. Калі мы бачыліся апошні раз, вось так, сам насам, у абдымках адно аднаго. Бяз zoomаў ці камунікатараў – хаця слава ім за тое, што яны ёсьць, бо можна было б цалкам звяр’яцець з тугі…
Сёлета славуты Барык ля Гарадка на Беласточчыне пры мяжы з Беларусьсю на некалькі дзён стане пляцоўкай для ўсебеларускага пікніка ў межах фэстывалю «ТУТАКА»! Некалі тут адбывалася легендарнае «Басовішча», на якім 30 гадоў сустракаліся свабодныя беларусы.
Фэстываль ТУТАКА – гэта неверагодны шанец пабачыцца, паглядзець, што сёньня прэзэнтуе незалежная беларуская культура, а таксама файна адпачыць і зарадзіць адно аднаго пазытыўнай энэргіяй і аптымізмам! А яшчэ ў разгар лета і ў маляўнічым лесе з намётавым лягерам, крутымі канцэртамі, зонамі адпачынку, возерам і іншымі забавамі.
Фэстываль Абуджаных TUTAKA запрашае трэці раз!
Што нас чакае?
- Усебеларускі пікнік — можна прыехаць з намётам, спыніцца ў маляўнічым лесе і адпачываць на возеры.
- Музычны і тэатральны фестываль — 2 дні жывой музыкі ад вядомых беларускіх музыкаў на вялікай сцэне (лайнап будзе агучаны неўзабаве), спектаклі для дзяцей і дарослых.
- Сямейны адпачынак — майстар-класы, чытанні, гульні, заняткі для ўсёй сям’і.
- Спартовы лагер — унікальная магчымасць правесці час актыўна і пазнаёміцца з нашымі спартоўцамі.
- Бізнес-канфэрэнцыя — дыскусія аб праблемах і магчымасцях рэлакаваных беларускіх бізнесменаў і тых, хто хоча заняцца сваёй справай у Еўрасаюзе.
- Кірмаш — беларускія сувеніры і мерч ад любімых і вядомых майстроў.
- Выстава беларускіх ініцыятыў — магчымасць прэзентаваць сябе і наладзіць карысныя міжнародныя сувязі.
- А яшчэ — гэта вольныя пляцоўкі для тых, хто жадае паказаць сябе, онлайн-трансляцыя на ўвесь свет, сустрэчы, знаёмствы, энергія і супольнасць!
Дзе?
Урочышча Барок ля Гарадка, Падляшскае ваяводства, Польшча.
Калі?
14 і 15 ліпеня 2023.
LINE UP неўзабаве))
Усю самую важную інфармацыю можна знайсці ў нашым FAQ
Ідэяў і праектаў TUTAKA мае шмат, але ў сродках мы часта абмежаваныя. Таму будзем удзячныя за грашовую падтрымку 👉 http://tutaka.org/be/#donate
Каб як мага хутчэй сачыць за інфармацыяй падпісвайцеся тут:
- Арганізатар: Фонд Tutaka
- Ганаровы патранат Прэзідэнта Рэспублікі Польшча Анджэя Дуды
- Ганаровы Камітэт: Святлана Ціханоуская - лідэр дэмакратычных сіл Беларусі, Івонка Сурвілла - Старшыня Рады Беларускай Народнай Рэспублікі, Прэзідэнт горада Беласток - Тадэўш Трускаляскі, Маршалак Падляшскага ваяводства - Артур Касіцкі
- Праект рэалізоўваецца дзякуючы фінансавай падтрымцы горада Беластока
- Заданне часткова фінансуецца з рэсурсаў Міністэрства Унутраных спраў і Адміністрацыі Польшчы
- Публічная задача суфінасуецца са сродкаў Падляшскага ваяводства
- Фестываль дафінансаваны праз Амбасаду Каралеўства Нідэрландаў у Варшаве
- Партнёры: Infinity Group, Беластоцкі лялечны тэатр, Дом Творцаў, Управа Гміны Гарадок, Гмінны Цэнтр Культуры ў Гарадку, Cтудыя “РАЮ”
- Медыя-падтрымка: TV Белсат, TVP Białystok, Polskie Radio Białystok, Gazeta Wyborcza, Euroradio, Беларускае Радыё Рацыя, MOST Media, Страна Для Жизни, Будзьма беларусамі, Krytyka Polityczna, Gazeta Współczesna, Kurier Poranny, Radio Akadera
