Мы хочам прасоўваць яе ня толькі сярод беларусаў, але і сярод палякаў, падкрэсьліваючы гістарычныя сувязі між гэтымі двума народамі і часта агульную культурную спадчыну. Мы зьвяртаем шмат увагі на паняцьці нацыянальнай і этнічнай ідэнтычнасьці, на правы і абавязкі грамадзяніна, талерантнасьць і суіснаваньне. Мы перакананыя, што дзякуючы разнастайнасьці, таксама нацыянальнай і культурнай, дзяржава як грамадзянская супольнасьць можа разьвіваць і ствараць адпаведныя сацыяльныя і грамадзянскія ўзоры. Любая нецярпімасьць і страх перад іншасьцю вынікае зь няведаньня. Таксама часта яна бывае крыніцай траўмаў многіх пакаленьняў і ўкаранёнага недаверу.